О, как прекрасно – это слово мама
11 кастрычніка ў аддзеле абслугоўвання і інфармацыі ДУК “Ашмянская раённая бібліятэка” адбыўся літаратурны вернісаж “О, как прекрасно – это слово мама!”, прысвечанае Дню маці. Мама… Мілая матуля… Калі прамаўляеш слова «мама», на душы становіцца цёпла. Мама — гэта самы важны чалавек. Яна такая прыгожая, пяшчотная, далікатная, але пры гэтым яна — моцная, адважная … Гэта чалавек, якога ніхто не заменіць. Яна — асаблівая! Яна — самая лепшая! Так пачалі мерапрыемства бібліятэкары чытальнага зала. На мерапрыемства былі запрошаны вучні 8 класа УА “Сярэдняя школа №3 г.Ашмяны” разам з класным кіраўніком Бароўскай Вікторыяй Іванаўнай. Прысутныя мелі магчымасць паслухаць вершы беларускіх і расійскіх пісьменнікаў і паэтаў пра маці, самім пачытаць любімыя вершы дзяцінства, якія чыталі ім матулі. А дапамаглі бібліятэкарам вучні класа – Дубіцкая Віялета, Заянчкоўская Лізавета, Гейзерава Наталля і Гадліеўская Паліна. Мерапрыемства суправаджалася відэакліпамі, песнямі пра маці, быў паказаны ўрывак фільма “Неожиданная концовка”. Падзяліцца сваімі ўспамінамі пра маці, сваё дзяцінства, пачытаць новыя вершы і апавяданні прыйшла мясцовая паэтка Даўгашэй Галіна Аляксандраўна. Вучні слухалі вельмі ўважліва, задавалі пытанні, бо ствараць такія пранікнёныя творы, дапамагае добрая душа, гарачае сэрца, клопат пра будучыню. Таксама на працягу тыдня ў чытальнай зале працуе выстава літаратуры “Свет материнской любви”.