2018 Лепшае Дзейнасць ДУК “Ашмянская раённая бібліятэка”
Дзейнасць ДУК “Ашмянская раённая бібліятэка”
у 2019 годзе
Паказчыкі |
Выканан-не 2018 г. |
У т.л. дзеці да 15 год |
План 2019 г. |
Выка-нанне 2019 г. |
У т.л. дзеці да 15 год |
Чытачы |
15831 |
6196 |
15770 |
15789 |
6075 |
Кнігавыдача |
301423 |
107723 |
293750 |
301663 |
110617 |
Наведванні |
168603 |
59908 |
174602 |
174623 |
67766 |
Бібліятэчны фонд ДУК “Ашмянская раённая бібліятэка” на 01.01.2020г. – 285900 адзінак дакументаў.
Ад Ашмянскай раённай бібліятэкі працуе бібліёбус, які займаецца абслугоўваннем аддаленых населеных пунктаў. За 2019 г. абслужана 42 вёскі па 15 маршрутах, колькасць чытачоў 702.
Вялося папаўненне электроннай базы ўласнай генерацыі “Ашмяншчына ў асобах і падзеях”, створанай у рамках краязнаўчага праекта “Ашмяншчына – малая радзіма вядомых людзей” (2018). Выдзелены 2 рубрыкі: “Асобы Ашмяншчыны” і “Падзеі”, у якія ўносіліся звесткі аб новых асобах і падзеях Ашмяншчыны.
Распрацавана раённая бібліятэчная праграма “Бібліятэка – старэйшаму пакаленню” на 2019–2020 гг., згодна з якой у бібліятэках раёна для пажылых праведзена 202 масавых мерапрыемстваў; створаны 4 Аматарскія аб'яднанні: “Мудрасць +” – раённая бібліятэка, “Пагаворым па душах” – гарадская бібліятэка г. Ашмяны, “Добрыя сустрэчы” - СБ в.Будзёнаўка, “Журавінка” – СБ аг.Граўжышкі. Усяго пры бібліятэках працуюць 18 аматарскіх аб'яднанняў, у тым ліку 12 для дзяцей і падлеткаў.
Згодна раённага патрыятычнага марафону-конкурсу “Дарогамі славы” (красавік – 10 ліпеня), прымеркаванага да 75-годдзя вызвалення Беларусі ад нямецка-фашысцкіх захопнікаў, у бібліятэках праведзена 16 масавых мерапрыемстваў: літаратурна-музычная кампазіцыя “Набат вайны нам зноў стукае ў сэрцы” – раённая бібліятэка, відэаальманах “Бязлітасная праўда пра вайну” – СБ в.Будзёнаўка, вечар памяці “Боль зямлі беларускай” – СБ аг. Жупраны і інш.
У рамках Года малой радзімы праведзена 37 мерапрыемстваў.
Шэрагам мерапрыемстваў адзначаны: 30-годдзе вываду савецкіх войскаў з Афганістана (7); 75-годдзе вызвалення Беларусі ад нямецка-фашысцкіх захопнікаў і перамогі ў Вялікай Айчыннай вайне (34); 75-годдзе ўтварэння Гродзенскай вобласці (16); 100-годдзе БССР (аформлены цыкл кніжных выстаў “100 гадоў БССР: ад гісторыі да сучаснасці”; 25-годдзе Канстытуцыі Рэспублікі Беларусь (9 мерапрыемстваў) і інш. (Ф.4)
З нагоды юбілеяў бібліятэк прайшлі святочныя мерапрыемствы: “Гарадской бібліятэцы 70” – ГБ г.Ашмяны; “Бібліятэцы 80: час, падзеі, людзі” – СБ аг.Гальшаны.
1 верасня ДУК “Ашмянская раённая бібліятэка” прыняла ўдзел у мерапрыемствах Дня беларускага пісьменства ў г. Слоніме, арганізавала і прадставіла бібліятэчную пляцоўку “Ашмяншчына: вялікі шлях малой Радзімы”. Па выніках ХХVІІ рэспубліканскага конкурсу “Бібліятэка – асяродак нацыянальнай культуры” СБ аг.Мураваная Ашмянка (бібліятэкар Таццяна Ціхановіч) стала пераможцам у намінацыі “За навацыі ў бібліятэчнай справе”. За ўдзел у абласным конкурсе макетаў “Архітэктурныя помнікі малой радзімы” у намінацыі “Мая малая радзіма” макет сінагогі г.Ашмяны быў удастоены Гран-пры.
У клубе “Сустрэча” Ашмянскай раённай бібліятэкі арганізаваны сустрэчы: з паэтам Аляксандрам Марозавым “Лепш за ўсё скажуць толькі вершы”, пісьменніцай Нінай Рыбік “Родны край, я цябе апяваю”.
Папулярнасцю ў жыхароў Ашмян карысталіся бібліятэчныя пляцоўкі і фотазоны на раённых і гарадскіх святах: “Дарогамі вайны – дарогамі Перамогі”, “Час чытаць кнігі пра вайну”, “Пад небам Гродзеншчыны”, “Я люблю свой край” і інш.
У аўтаматызаваным рэжыме з пачатку 2019 г. абслугоўваюцца чытачы гарадской бібліятэкі г. Ашмяны. Камп'ютэрызацыя бібліятэчнага абслугоўвання ў раённай дзіцячай бібліятэцы г. Ашмяны запланавана на 2020 год. Камп'ютарны парк ДУК “Ашмянская раённая бібліятэка” налічвае 47 машын, набыта згодна плана абнаўлення камп'ютарнага парку 2.
Праведзена сацыялагічнае даследаванне “Чытач і сучасная бібліятэка”.
Абагульнены вопыт работы СБ аг.Мураваная Ашмянка па краязнаўчай дзейнасці “Краязнаўства як метад пазнання гісторыі краю”. Складзена і выдадзена 39 выдавецкіх работ.
У СМІ змешчана 74 артыкулы: 32 рэспубліканскіх, 1 абласных, 41 раённых. Колькасць публікацый у Інтэрнэце 1527, у тым ліку на бібліятэчных сайтах 677, іншых сайтах 18, у сацсетках (ВК і Аднакласнікі) 832.
У 2019 годзе праведзена 13 мерапрыемстваў з мэтай павышэння кваліфікацыі бібліятэчных работнікаў: семінары – 1, школы-практыкумы–2, школы прафесійнага майстэрства–2, круглы стол–1, дні прафесійных ведаў–7.